domenica 19 aprile 2009

Leggiamo su L'UNIONE SARDA , di oggi, che Francesco Caruso è intenzionato a "sbarcare" in Sardinya per contestare il G8.

Non vogliamo fare di certo i padroni di turno, ma vorremmo sapere se il "no global" Caruso conosce la condizione della nostra Patria, ovvero se è cosciente di dover interloquire con una Natzione senza Stato, e se come gli è consono per altre realtà senza Stato, si è posto il dilemma di relazionarsi con i Movimenti Indipendentisti Sardi, che già da molto tempo stanno ragionando del G8, ovvero, da quando il Presidente del consiglio Italiano precedente all'attuale ha proposto la città di La Maddalena e la sua isola,(tra l'altro per chi non lo sapesse: abitata da migliaia di persone), per lo svolgimento di questo evento mondiale.

Evento che vorremo usare per porre all'attenzione dell'opinione pubblica internazionale la problematica della Natzioni senza Stato, ed è per questo motivo che abbiamo costituito il Comitato chiamato nella nostra lingua sa "MESA SARDA A FORAS SU G8" che significa: la "TAVOLA SARDA FUORI IL G8", di conseguenza è nostra ragione mirare non solo alla contestazione dell'evento, ma sopratutto vogliamo dibattere con tutti i patrioti delle realtà senza Stato, di conseguenza se il Signor Onorevole Italiano prima di prendere iniziative sulla nostra TERRA gli saremmo grati se ne volesse, prima di agire, ragionare con noi.

Il comitato costituito sta trattando con le autorità italiane le aree da poter usare per dibattere dei nostri problemi natzionali, ed ovviamente di quelli mondiali.

Affinchè possiate iniziare a prenderne visione, sia degli argomenti che verranno trattati, che delle idee che esprimiamo, ne pubblichiamo lo strumento programmatico, che su richiesta è possibile avere anche nella vostra lingua.

aforasug8@gmail.com


indipendentzia@gmail.com









SA DEFENZA SOT
ZIALI

ISTRUMENTU PRUGRAMÀTIGU
De sa MESA SARDA A FORAS SU G8
Pro sa cunvocassione de una
IBBA DE SAS NASSIONES CHENE ISTADU E DE SOS PÒBULOS
OPRIMIDOS

In sas dies 8-9-10 de Tríulas de su 2009 s’at a tenner in s’Ísula de Sa Mallena, in Sardínnia, su G8 ch’at a benner.

Sas Organisassiones independhentistas sardas imbidant a totu su Póbulu Sardu, a sas organisas-siones de sas Nassiones chene Istadu e de sos póbulos oprimidos e a sas organisassiones internassionales pro chistionare, in-d-unas cantas mesas de trabàlliu, de sas temàtigas chi sighint:

Sa chistione de sas Nassiones chene Istadu e-i su deritu a s’autudeterminu de sos póbulos.
Sa Sardínnia est una Nassione chene Istadu e a su póbulu sou li benit dennegadu dae parte de s’Istadu ocupadore su deritu a s’autudeterminu, a s’autuditzisione e a s’autuguvre-nu. Sos Istados chi s’ant a reunire in Sardínnia pro su G8 tenent in sas intrànnias issoro Nassiones chene Istadu chi recramant su deritu a s’autodeterminu: deritu chi benit reconnóschidu a unas cantas de a issas ebbìa. Ma su G8 representat tambene cuddh’órdine imperialista mundhiale, a tempos de oe in s’oru de sa bangarruta finantziària, chi in sos degh’annos de cúllaru at dadu vida a unu mudellu prusaprestu berdaderu de terrorísimu militare e aculómigu a subra de sa peddhe de su proletariadu e de sos póbulos oprimidos de totu su pianeta. Nois amus a chircare de dare boghe a sas isperiéntzias de sas Nassiones chene Istadu e de sos póbulos oprimidos.

S’aculumìa de dependhéntzia.
Unu de sos temas tzentrales in s’Azendha de sa Ibba est sa chistione innirzética e aculómiga (in particulare su massarìu, sa laurera). Si ’ndh’at a faeddhare in-d-una terra inue - dae meda prus de degh’annos, si non dae séculos - est in atu oramai una iscarrugadura issientífica de s’aculumìa brotada dae inintro de s’ísula a proe de un’aculumìa anzena chirriada dai sas ne-tzessidades de su póbulu sardu e fundhada in sa fura e in s’isfrutua-mentu de sos benes materiales de issu etotu. Su colunialismu italianu e-i sa burghesìa comporadora sarda ant dadu vida a unu mecanismu aculómigu assistentzialístigu destinadu a lassare s’aculumìa sarda de su totu sutamissa e dependhente dai cuddha italiana e a inzendrare una situassione de suta-isvilupu a s’iscopu de muntenner s’ísula e-i sos abitadores suos etotu in-d-una cundhissione de assuzetamentu.

S’ocupassione militare e-i sa reprimidura.
Un’àteru de sos puntos in s’Azenda de su G8 est sa paghe e-i sa dipromatzìa internassio-nale. Si ’ndh’at a arrejonare in-d-una terra inue sos mantessis Paisos de su G8 ammastriant a sa gherra sas Armadas issoro in sos duos prus polìgonos mannos de tiru d’Euro-pa. In custu sensu su sutaisvilupu, sa luadura de sas abbas e-i s’atoscadura de s’aèra, s’ispobulamentu massissu de sas biddhas de s’ala ’e intro de s’ísula e-i su cuntrollu repressivu de su territóriu dae parte de sas fortzas de ocupassione militare italianas est funtzionale a su ruolu de colú-nia chi a sa Sardínnia l’ant assinzadu.


Limba e curtura.
Si narat a s’ispissa chi sa “globalisassione” ponet in perígulu sa biodiversidade e-i sa pruralidade de sas curturas. A primore in Sardínnia est in cursu unu prutzessu de decurturisassione fortzada chi nois non tenimus timória de lu cramare cun su nùmene sou berdaderu: zenutzídiu curturale. A médiu de su mecanismu de manipuladura-iscantzella-dura de sa limba, de sa curtura e de s’istória de sas crasses pobulares sardas e-i su càmbiu cun sa limba, sa curtura e-i s’istória de sa burghesìa e de sas crasses elitàrias italianas, pro mesu de su mecanismu de su disterru fortzadu si chircat de iscantzellare o instrumentalizare s’ammentu e-i s’identidade de totu su póbulu sardu lompendhe a negare s’esisténtzia de sa Nassione Sarda.

ISTÉRRIDA

Sa ibba de su G8 si reunit in-d-una Nassione chene Istadu e retenimus chi custu datu non si potat non cussiderare. Su G8 benturu s’at a tenner in-d-una terra inue su colunialismu italianu at istoricamente promóvidu una gherra chene cuarteri a cumparu de totu su chi in Sardínnia costituit caratele nassionale e imprestantu pessamus chi siet dovere nostru de ponner afficu a sas chistiones de sas Nassiones chene Istadu e a su reconnoschimentu de su deritu a s’autudeterminu de sos póbulos e a sa chistione nassionale e sotziale sarda.

In Sardínnia:

su territóriu est ocupadu militarmente
Sa Sardínnia, in birtude de sa posissione ziogràfica sua etotu a su tzentru de su Mesuderràneu, l’ant cussiderada - colados pagos annos a pustis de sa Segundha Gherra Mundhiale - comente una perfeta “zughearèos” e una bete ’e base manna de arrumbu pro sas netzessidades militares de sas poténtzias otzidentales. Sos sardos ant dévidu mujare sos apretos issoro a igustas esigèntzias «subranas», perdindhe una parte manna de sas terras issoro e-i sa possibilidade de gosare a s’isfunada de su mare issoro e de su chelu de issos etotu. Bases militares italianas, istadunidenses e NATO, e-i sa preséntzia massissa de pulitzìa, carabineris, finantza, corpos ispetziales e cant’àteru costituint fortzas de ocupassione coluniale adatas a sa reprimidura antitzipada e a sa bochidura sistemàtica de calesisìet ispetzifitzidade nassionale in cuddha chi est una gherra a bàscia intensidade pro su cuntrollu totale de su territóriu.

• a s’aculumìa l’ant disistruturada, l’ant torrada a èssere independhente dai sas esigéntzias de su Póbulu Sardu e a s’arrèndher a sos interessos de su caudale internassionale, cun sa fundhassione de unu rezímene de fura a subra de sas siendhas chi b’amus in s’ísula, s’isfru-tuamentu de sos traballiadores dae parte de su caudale italianu e internassionale e-i sa criassione de un’aparatu aculómigu bisestradu e infrutuosu chi at resu s’aculumìa sarda no intàmes dependhente de su totu dai cuddha italiana, ma chi at causadu tambene a sa Sardínnia dannos ambientales chi fortzis s’ant a poder torrare a sanare cun dificurtade manna. Cun sa cumpritzidade de sa burghesìa comporadora sarda, sos gubernos italianos de igustu segundhu apustigherra ant isfàghidu e derrutu su rampu de su massarìu e de su pastorìu, su de s’artesanadu, de sas indrústias e de su cummértziu comente si fint isvilupados in s’ísula: s’indrústia pedroschímica, sa monicurtura turístiga, sas serbidudines, subredotu cussas militares, ant iscarrugadu su tessinzu de s’indrústia sarda minore e mediana e, in custos 50 annos de cúllaru, ant preubidu o impididu calesisìet impresa nàschida in Sardínnia chi, mancari essèret a inintro de una lózica de isfrutuamentu de su trabàlliu salariadu, diat aer costituidu sa base frutuosa netzessària, paris a su rampu agropastorale e a una retza de servíssios de calidade, pro foressire dai su rezímene de dependhéntzia coluniale e agarentire solididade a s’aculumìa de a nois etotu.

Custos sèberos ant inzendradu un’aparatu aculómigu assistentzialístigu destinadu a rendher s’aculumìa sarda de su totu sutammissa a iguddha italiana e a creare sutaisvilupu a s’iscopu de muntenner s’ísula e-i sos abitadores suos in-d-una cundhissione de ininterrúmpida crisi aculómiga e duncas de subordinassione pulítiga. Su resurtadu est unu disimpréu ampru meda e un’ocupassione massissa de paga dura chi, coment’e cussighéntzia ’ereta, ant innescadu una catastrófica aundhada noa de disterru de sos traballiadores sardos sìet a inintro ’e s’ísula (dai sos logos de a intro a sas tzitades sardas) chi a foras (sa cràssica carrela de su mare). Su disterru est unu dramma chi cunsighit deretu a sas pulíticas coluniales e a su ruolu de sa crasse dirizente comporadora chi est cundhennèndhe sa terra nostra a s’ispobulamentu e a sa desertificassione aculómiga.

In s’istória, a sa limba sarda l’ant semper dennegada, pessighida, preubida, cussiderada e manizada comente unu limbazu de pagu contu. Oe la sunt isboidendhe de su ruolu curturale sou reduèndhela a manifestassione forcrórica o cunfinèndhela in tretos segundhàrios de sa vida comunitària. S’istória e-i sa curtura de sa Sardínnia nos ’nchelas ant bogadas o, inue non l’ant pótidu fagher, fartzadas e istrumentalizadas a impítu e a frazu de su colunialismu italianu.

In pagas peràulas custas sunt sas cundhissiones aculómigas, pulítigas, sotziales e curturales, chi caratiliizant oe sa “Chistione Nassionale Sarda” e solu sa luta de su póbulu sardu podet ponner sas bases pro sa liberassione nassionale de sa Sardínnia dai sas cuntraddissiones, de àtera manera non sanàbiles, determinadas dai su colunialismu e dai su caudalesimu.

PROPÓNNIDA: A FORAS SU G8

In ocasione de su G8, coment’e independhentistas sardos, tenimus s’intentzione de impreare in sa manera menzus possíbile s’atintzione mundhiale bortada a sa Sardínnia pro ponner in lughe sas cuntraddissiones internas de su Gubernu italianu e dare a connoscher a totu su mundhu sa realidade de sos muimentos de liberassione nassionale de sos póbulos oprimidos e de sas Nassiones chene Istadu.

Sa cumbata de longu tretu e de longa dura contra a s’imperialismu e a su colunialismu, in sa cale nois intzentramus sas mobilitassiones de su mese de Tríulas de su 2009 in s’ísula de Sa Mallena, tenet ebbìa sentidu si semus in gradu de mustrare cal’est sa capatzidade de luta e de arrempéllida pobulare chi at lómpidu sa Nassione Sarda e de achicare e intzidiare prus innirzìas noas e ampras. Sa tarèa de sas mobilitassiones de su muimentu independhentista sardu, no est duncas cuddha de promover una màrcia de murrunzu e de chènscia simpre contras a su G8 in zenerale. Sa tarèa nostra est imbetzes cuddha de isfrutuare custa ocasione pro ammuntonare fortzas utilosas e bessire dai s’istadu de sutamissione coluniale in su cale s’agatat su póbulu nostru e de iscambiare anàlisis e isperiéntzias cun totu sos chi in su mundhu gherrant contra a s’imperialismu e a su colunialismu, e punnant a una liberassione nassionale e sotziale.

Sa chistione de sas Nassiones chene Istadu, de sas colúnias, de sos póbulos oprimidos, de su deritu a s’autudeterminu, a s’autuditzisione e a s’autuguvrenu de sos póbulos, est una chistione de importu mannu meda e a sa cale bisonzat dare prioridade, ligada e presa coment’est a istrintu a sa luta contra a s’imperialismu e a sa globalisassione nou-liberista, inue custa costituit cumbàlida e dennega de calesisìet ispetzifitzidade, diversidade e identidade nassionale.

Sa torrada de peràula de sos pòbulos oprimidos a su G8, imprestantu, non podet èsser àteru chi una pretesa de su deritu de bìver, de resistire, e de detzider de su distinu issoro, de èsser suzetos de s’istória de issos etotu, meres de su benidore issoro e de èsser independhentes e soberanos.

Cramamus duncas a cumparu totu sos muimentos de liberassione nassionale in atividade in su Mesuderràneu, in s’Europa e in su mundhu a tales chi si traballiet in manera coordinada pro betare a reveddhu mundhiale sa peràula de cumandhu de su deritu de autudeterminu de sos póbulos e pro fraigare sa mobilitassione internassionale a subra de sa peràula de cumandhu: A foras su G8!

Cramamus a cumparu totu sas realidades, sas organisassiones, assótzios, culletivos istudiantiles, e indivíduos pro sa partitzipassione a sa mobilitassione in s’isetu de su fràigu de unu caminu pulítigu chi sìet de totu e a s’esercítziu de unu internassionalismu beru e ativu.

Pedimus a chiesisìet chi bi cherfat leare parte de cuncùrrer a s’ammanizu de sas inissiativas de mobilitassione in s’ocurréntzia de su G8, e de cumpartire, reconnòscher e fagher própios sos puntos prugramàtigos chi sighint:

1• Su G8 non s’at a tenner in Itàlia, ma in Sardínnia, e at a èsser pro sa prima borta chi custos abòjos e reuniones s’ant a tenner in-d-una Nassione chene Istadu, inue a su póbulu oprimidu chi b’abitat est dennegadu fintzas su deritu a s’autudeterminu e a sa soberanìa nassionale.

2• Sa Sardínnia est una Nassione chene Istadu ca representat una comunidade, una limba, unu territóriu, un’aculumìa, una curtura istóricamente determinada e particulare.
In cantu nassione, sa Sardínnia inserrat in issa mantessi s’istratezìa, sa potentzialidade e-i sas métidas de sa liberassione sua etotu e pertendhet su deritu de èsser lìbbera, independhente e soberana.

3• Sa Sardínnia est una colúnia de s’Istadu italianu in cantu in issa sos reportos de produssione los ant ammanizados segundhu unu mudellu de isfrutuamentu coluniale de su territóriu e de sa zente sua mantessi, gai comente totu sos aparatos subraistruturales los ant finantziados pro muntenner in-d-un’istadu de colúnia sa Nassione Sarda. Su colunialismu aculómigu (istruturale) umpare a iguddhu pulítigu-curturale (subraistruturale) ant determinadu una oprimidura nassionale dae parte de s’Istadu italianu a ojos e a cara a su Póbulu Traballiadore Sardu.

4• Su G8 representat sa negassione mantessi de su deritu de esistire de totu cuddhos póbulos chi, a reveddhu mundhiale, gherrant pro s’afirmassione de su deritu a s’autudeterminu.

5• Sa cumbata contra a su G8 e-i sa luta de longu tretu e de longa dura contra a s’impe-rialismu tenet sentidu ebbìa si est una gherra chi trísinat umpare su póbulu. Pro isvilupare custu prutzessu est netzessàriu chi totu sas realidades chi si reconnoschent in custu pruzetu si impínnient cun totu sa fortzas issoro e de contínu a unu trabàlliu de informassione, comunicassione e ispuntorzu a sa partitzipassione.

Aristanis, su 31 de Martu de su 2009. SA CUMMISSIONE PULÍTIGA DE SA MESA

Reazioni:

0 commenti:

Subscribe to RSS Feed Follow me on Twitter!